Жаҳон рейтингларида энг кўп учрайдиган университетлар номини кўпчилик билади. Уларнинг энг етакчилари ҳақида profguide.io нашри мақола тайёрлаган. Маълумотлар жаҳон университетларининг академик рейтинги (AРWУ), ҚС ва ТҲЕ рейтинглари, шунингдек, Форбес журнали маълумотлари асосида тузилган. Шундай қилиб, дунёдаги енг нуфузли университетларни кўриб чиқамиз.
Бешинчи ўрин — Йель университети
Мамлакат: AҚШ.
Ўқиш нархи: тахминан 55,5 минг доллар.
Университет 1701 йилда ташкил этилган AҚШда жойлашган нуфузли муассаса ҳисобланади. Битирувчилар орасида 30 дан ортиқ Нобель мукофоти совриндорлари, турли мамлакатлар раҳбарлари, олимлар, маданият ва санъат арбоблари, ишбилармонлар бор. Университет бутун дунёдан иқтидорли талабаларни фаол жалб қилади, уларга ҳар хил молиявий ёрдам беради: стипендиялар, грантлар ва ҳатто бепул таълим. Талабалар назарияни ўрганадилар, аммо тадқиқот олиб борадилар. Университет Ивй Лигасининг бир қисми бўлиб, унинг кутубхонасида 15 миллиондан ортиқ юқори маданий аҳамиятга эга экспонатлар бор. Таълимнинг асосий йўналишлари гуманитар ва ижтимоий фанлар, шунингдек, санъатдир. Университетда биология, физика, ҳисоблаш, математика ва бошқа бўлимлар мавжуд ва улар AҚШдаги энг кучли дастурларни амалга оширадилар.
Тўртинчи ўрин — Оксфорд университети
Мамлакат: Буюк Британия.
Ўқиш нархи: тахминан 9 минг евро.
Британия Оксфорд университетининг аниқ ташкил этилган санаси номаълум, кўплаб тарихчилар 1096 йилгача бўлган даврни кўрсатадилар. Университет дунёдаги энг қадимги университет бўлиб, гуманитар, математик, ижтимоий, тиббиёт ва бошқа фанларни ўргатишади. Кўплаб кутубхоналар ва музейлар ҳам бор. Йилдан йилга дунёдаги энг яхши 100 та университет қаторига киради. Оксфордда ўқийдиган талабалар нафақат илм-фан, балки спорт билан ҳам шуғулланишади. Улар кўплаб тўгаракларга бориши мумкин. Ҳар томонлама ривожланиш учун яхши шароитлар яратилган. Университетдан 56 Нобель мукофоти совриндори, шунингдек, AҚШнинг 42-президенти Билл Клинтон, математик ва ёзувчи Люис Керол етишиб чиққан.
Учинчи ўрин — Стенфорд университети
Мамлакат: AҚШ.
Ўқиш нархи: тахминан 75,5 минг доллар.
1891 йилда ташкил этилган. Университет AҚШда жойлашган. Университетда кўплаб факултетлар очилган, энг машҳурлари математика, тиббиёт, юридик, муҳандислик, биокимё. Биринчи кунлардан бошлаб университетда йигитлар ва қизлар биргаликда ўқишган. Бугунги кунда университет нафақат профессионал, балки кадрлар бозорида талаб юқори бўлган мутахассисларни ҳам тайёрламоқда. Битирувчилар орасида 50 та Нобель мукофоти совриндорлари, шунингдек, Гоогле қидирув тизимини ишлаб чиқувчи ва асосчиси Сергей Брин, Cисcо трансмиллий компанияси асосчиси Леонард Босак, Инстаграм ижтимоий тармоғининг яратувчиси Кевин Систром бор. Стенфорд университети бу дунёни ўзгартиришга қодир бўлган муваффақиятли ИТ-мутахассисларни тайёрлайдиган университет.
Иккинчи ўрин — Массачусет технология институти
Мамлакат: AҚШ.
Ўқиш нархи: тахминан 73 минг доллар.
МТИ мунтазам равишда дунёдаги энг яхши университетлар рўйхатига киритилган. У 1861 йилда ташкил этилган, бугунги кунда дунёдаги энг нуфузли техник ўқув юртларидан бири ҳисобланади. Бу ерда сиз гуманитар ва техник фанларни ўрганишингиз мумкин, университетда 30 дан ортиқ кафедра ва 5 та мактаб мавжуд. Aсосий йўналиш техник, масалан, муҳандислик мактаби ўқувчиларининг улуши 50 %дан ошади. Ушбу университетда турли вақтларда НAСA астронавти Девид Скотт, молекуляр биолог Ричард Лозик билим олган. 80 дан ортиқ битирувчилар Нобель мукофоти совриндорлари.
Биринчи ўрин — Гарвард университети
Мамлакат: AҚШ.
Ўқиш нархи: тахминан 68 минг доллар.
Гарвард AҚШдаги энг йирик университет ва дунёдаги энг машҳур университетдир. Университет битирувчилари орасида 70 дан ортиқ Нобель мукофоти совриндорлари бор, турли йилларда уни актриса ва модел Натали Портман, Фаcебоок ижтимоий тармоғининг асосчиси Марк Цукерберг тамомлаган. Университетда тиббиёт, психология, дизайн, санъат, бизнес, давлат бошқаруви ва бошқа соҳаларни ўрганиш мумкин. Университет 1636 йилда ташкил этилган. Кампуснинг майдони 85 гектарни ташкил этади.
Шунингдек, кучли ўнталикдан Буюк Британиянинг Кембриж университети, Лондон университет коллежи, Калифорния технология институти, Принстон университети, Чикаго университетлари ҳам жой олган.
Чет ел университетларида ўқиш ҳамма учун мавжуд, чунки кўплаб университетлар ўз талабаларига молиявий ёрдам кўрсатадилар. Юқоридаги университетлар турли хил шартлар ва талабларга эга, шунинг учун ҳужжатларни топширишдан олдин барча маълумотларни диққат билан ўрганиб чиқинг.
