Тошкент тиббиёт академияси ҳамда Жанубий Корея университети ҳамкорлигида 10-халқаро республика илмий-амалий анжумани ўтказилмоқда. У профилактик тиббиётнинг долзарб муаммоларига бағишланди.
Анжуманда жаҳонда, хусусан, мамлакатимизда экология, атроф-муҳит муҳофазасига боғлиқ долзарб муаммолар ҳамда уларни ҳал этишга доир маърузалар тингланмоқда. Айниқса, Нобель мукофоти лауреати Рай Квон Чунгнинг маъруза билан қатнашгани йиғилганларда алоҳида қизиқиш уйғотди.
ЖССТ маълумотига кўра, атмосфера ва хоналар ҳавосининг ифлосланиши сабабли ҳар йили тахминан 7 миллион киши дунёдан кўз юммоқда.
Конференция давомида Россия Федерацияси мутахассислари, Бошқирдистон давлат тиббиёт университети, С.Асфендияров номидаги Қозоқ миллий тиббиёт университети ҳамда Остона тиббиёт университетидан онлайн маърузалар кутилмоқда.
