Okeanologlarning fikriga ko'ra, Daniya bo'g'ozi sharsharasining balandligi 3,5 kilometrga yetadi, bu quruqlikdagi eng baland deb hisoblangan Anxel sharsharasidan uch baravar balanddir. Sharsharaning eni 160 kilometr oralig'ida o'zgarib turadi va har soniyada besh million kubometr suv quyiladi. Bu Niagara sharsharasining suv oqimidan ikki ming baravar ko'pdir.

Olimlarning fikricha, suv osti sharsharasining paydo bo'lishiga haroratdagi farq sabab bo'lgan. Daniya bo'g'ozida shimoliy dengizlardan keladigan sovuq oqim Irminger dengizining nisbatan iliq suvi bilan tutashadi. Natijada zichroq sovuq suv yengilroq va iliqroq suv ostida “cho'kadi” va bo'g'ozning eng tubiga cho'kib, sharsharani yuzaga keltiradigan oqim hosil qiladi, deb xabar beradi mir24.tv.