Festival davomida 250 dan ortiq mahalliy va xorijlik asalarichilar oʻz mahsulotlarini namoyish etadi. Shuningdek, tadbir ishtirokchilari asal mahsulotlari, asalarichilik, asal yigʻish va asalari uylari haqida barcha maʻlumotlarni bilib olish, qolaversa, asal mumidan malham ishlab chiqarish, asalarichilik hunarmandchiligi buyumlarini tayyorlash, asalning bir nechta navlarini tatib koʻrish imkoniga ega boʻladilar.
Bundan tashqari, tadbir dasturidan respublikamizda qishloq xoʻjaligi turizmini rivojlantirish masalalariga bagʻishlangan “Ilmiy-amaliy konferensiya” va asal koʻrgazmalari, sport musobaqalari, mehmonlar uchun konsert, shuningdek asalarichilik sohasidagi yetakchi mahalliy va xorijlik asalarichilik sohasidagi mutaxassislardan mahorat darslari oʻrin olgan.
Festival doirasida “Afsonalar vodiysi” istirohat bogʻida “Eng yaxshi qadoqlangan asal” va “Eng tabiiy asal” nominatsiyalari boʻyicha tanlovlar oʻtkazish ham rejalashtirilgan.
