Ma'lumki, futbol bo'yicha to'rt yilda bir marta terma jamoalar o'rtasida o'tkaziladigan jahon chempionatidan tashqari, har yili klublar o'rtasida ham jahon chempionati bo'lib o'tadi. Unda, turnirning formatiga ko'ra, 6 qit'a chempioni va mezbon ishtirok etadi.

FIFA prezidenti Janni Infantino 2025 yildan boshlab klublar o'rtasidagi chempionat yangi formatda o'tkazilishini aytdi:

“Klublar o'rtasidagi jahon chempionatining yangi tizimi yaratiladi. 2025 yildan boshlab turnirda 32 jamoa qatnashadi. Ushbu turnir ham milliy jamoalar ishtirokidagi jahon chempionatiga o'xshash bo'ladi”, – dedi u.

SHu o'rinda ta'kidlash lozimki, Evropaning top jamoalari klublar o'rtasidagi yangilangan jahon chempionatiga salbiy munosabat bildirishmoqda.