Ўзбекистон – Чин: масъалаҳои рушди ҳамкориҳои мутақобилан судманд дар соҳаи нақлиёт мавриди баррасӣ қарор гирифтанд

    Нақлиёт 2 May 2024 966

    Ҷаласаи ҳаштуми Зеркумитаи ҳамкорӣ дар соҳаи нақлиёти Кумитаи байниҳукуматии ҳамкориҳои Ӯзбекистону Чин баргузор шуд.

    Дар ҷаласа муовини аввали вазири нақлиёт Маманбий Омаров ва муовини вазири нақлиёти Ҷумҳурии Мардумии Чин ҷаноби Ван Ган тавассути видеоконфронс ширкат варзиданд.

    Ҷонибҳо масъалаҳои рушди минбаъдаи ҳамкориҳо дар соҳаи нақлиёту коммуникатсия, таҳияи тадбирҳои муассир оид ба як қатор масъалаҳои зиёд намудани ҳаҷми ҳамлу нақли бор байни ду кишварро баррасӣ карданд.

    Аз ҷумла, ҷонибҳо дар бораи додани раводид ба ронандагон дар соҳаи ҳамлу нақли байналмилалии бор тавассути нақлиёти автомобилӣ ва ҳамчунин истифодаи иҷозатномаи Чин-Қирғизистон-Ӯзбекистон барои ҳамлу нақли тиҷоратӣ ба мувофиқа расиданд.

    Ҳамчунин дар мулоқот масоили марбут ба густариши ҳамкориҳо дар бахшҳои роҳи оҳан ва авиатсия, фаъолияти долони бисёрсоҳаи нақлиётии "давлатҳои минтақаи Осиё ва Уқёнуси Ором - Чин - Қирғизистон - Ӯзбекистон - Туркманистон - Эрон - Туркия - Аврупо", татбиқи лоиҳаи сохтмони роҳи оҳани "Чин" - Қирғизистон - Ӯзбекистон баррасӣ шуд.

    No date selected
    June 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    Use cursor keys to navigate calendar dates