Хоннинг рафиқаси Бушра Биби ҳам айбдор деб топилиб, етти йиллик қамоқ жазосига ҳукм қилинди. У гаров эвазига қўйиб юборилган, бироқ ҳукм эълон қилингандан кейин ҳибсга олинган.
Тергов маълумотларига кўра, собиқ бош вазир ва унинг рафиқаси Исломободда жойлашган Bahria Town кўчмас мулк ширкатидан беш миллиард рупий ва ўнлаб гектар ерни пул ювиш иши бўйича ширкатни ҳимоя қилиш эвазига олган.
Адлия вазири Азам Назир Тарарнинг айтишича, Хоннинг Pakistan Tehreek-e-Insaf (PTI) партияси қарорга эътироз билдириш учун юқори судларга мурожаат қилиши мумкин. PTI ер шахсий манфаат учун эмас, собиқ бош вазир томонидан ташкил этилган маънавий-маърифий муассаса учун берилганини даъво қилмоқда.
Имрон Хон 2022 йил апрелида мамлакат парламенти томонидан ўтказилган ишончсизлик вотуми орқали лавозимидан четлатилганидан кейин коррупция ва мансаб ваколатини суиистеъмол қилишдан тортиб, давлатга қарши зўравонликка ундашгача бўлган ўнлаб айбловлар билан 2023 йил августидан бери қамоқда, деб хабар беради lenta.ru.