«AMEA Power» – жаңартылатын энергия саласында жылдам дамып келе жатқан ірі компания. Бұл компания 20 елде жалпы қуаты 6 гигаваттан асатын жобалар портфеліне ие. «M42» инновациялық технологияларды қолдана отырып, денсаулық сақтау саласында көшбасшы орынға шыққан компаниялардың бірі болып табылады. Ал «IFFCO Group» азық-түлік саласында 100-ден астам брендті басқарумен танымал.
Кездесуде энергетика, инновациялар, денсаулық сақтау және азық-түлік өнеркәсібі салаларында бірлескен жобаларды дамыту мен БАӘ компанияларымен инновациялық ынтымақтастықты кеңейту мәселелері талқыланды.
«AMEA Power» компаниясымен ынтымақтастықтың қарқынды дамып келе жатқаны атап өтілді. Жел электр станцияларының құрылуы, энергия сақтау жүйелерін дамыту және мұнай-химия саласында жоғары технологиялық өндірістерді ұйымдастыру жобаларына айрықша назар аударылды.
Сонымен қатар, «M42» компаниясымен геномика саласындағы ынтымақтастық, ал «IFFCO Group» компаниясымен азық-түлік өнеркәсібі мен тұрмыстық химия үшін ингредиенттер өндірісін дамыту бағыттарында өзара тиімді серіктестікті нығайтуға көңіл бөлінді.