Тахтакөпир районы Мәденият орайында районлық ҳаял-қызлар бөлими ҳәм «Өрнекли ҳаяллар» топары ағзаларының басламасы менен ҳаял-қызлардың жәмийетлик-сиясий белсендилигин арттырыў, халқымыз арасында руўхый-ағартыўшылық орталығын жǝне де күшейтиў мақсетинде өткерилген «Анам айтқан ҳәййиўлер» ҳәм «Аналар қосық айтқанда» атамасында руўхый-ағартыўшылық илажын да усылар қатарына киргизсек болады.
Илажда районлық «Өрнекли ҳаяллар» топары баслығы А.Қабылбекова, районлық Ишки ислер бөлиминиң ҳаял-қызлар мǝселелери бойынша аға инспекторы, капитан Б.Бахиевалар шығып сөйлеп, елимизде ҳаял-қызлар ҳәм жасларды ҳǝр тǝреплеме қоллап-қуўатлаў, олардың жәмийетимизде сиясий белсендилигин арттырыў бағдарында әмелге асырылып атырған илажлар ҳәм оларға жаратылған кең имканиятлар ҳаққында айтып өтти.
Илаж районлық мәденият бөлими ҳǝм «Аналар ансамбли» жәмәәтиниң халқымыздың миллий салт-дәстүрлерин сәўлелендириўши сахналық көринислери менен кеўилли даўам етип, бул қатнасыўшыларға өзгеше заўық бағышлады.
Адилбай Оразов,
Қарақалпақстан хабар агентлиги шолыўшысы.